Đĭ pơhiăp git gai jơnum, Khua ping gah, khua mir sir ơi Tô Lâm lăi pơtong, Ping gah, kơnuk kơna hăng Mơnuih ƀôn sang Việt Nam čang rơmang tŭ mă lu tơlơi ngă hrŏm amăng bruă djru tơlơi khăp pap mơ̆ng Khul ia jrao kyâo bơrơkal mriah hăng khul Rup blan tơƀang mriah jar kmar, djop anom bruă mơ̆ng jar kmar hăng bơnah ngă hrŏm pơđĭ kyar, djru pơtrut tui bruă ngă hyu gum djru tơlơi khăp pap, kơtưn bruă ngă giăng mah, gum pơgôp yua tơlơi rơnuk rơnua hăng pơđĭ kyar hơđong kơjăp.

Lăi rơđah, Lŏn ia ta hlăk yak nao amăn rơnuk rơbâo thun phrâo pơđĭ kyar kơtang hloh, anăp nao tơhnal pơkă jing lŏn ia pơđĭ kyar, rơnoh pơhrui glăi lu amăng thun 2045, Khua ping gah, khua mir sir ơi Tô Lâm lăi lĕ, sa boh Việt Nam khin hơtai, khom jing sa boh lŏn ia Việt Nam thâo khăp pap; sa boh lŏn khul mơnuih mơnam rơnuk phrâo kah pơpha nao rai tơdruă; sa boh dêh čar pơđĭ kyar khom thâo pơpŭ hăng pơgang ba rơnoh  yom tơlơi rơnuk rơnua hơđong kơ rim čô mơnuih. Yua kơ anun, bruă mă djru tơlơi khăp pap, ƀu kơnong ngă bruă hyu tơña bla, pơklaih  mơnuih amăng mông ječ ameč truh lŏn adai ngă, khin kheng đôč ôh, dŏ jing sa črăn pơđĭ kyar hiam ană mơnuih, pơhlom ba tơlơi hơdip mơak kơ mơnuih mơnam, wai lăng tong ten tơlơi truh či hơmâo hăng pơđĭ kyar tơlơi kơtang thâo pơgang mă pô amăng plơi pla.