Tui lăi pơthâo mrô jŭ yap pran bơkơtưn gưl tơring čar thun 2022, tơring čar Dak Lak dưm dưm 60,91 puang, dong 60 amăng 63 boh tơring čar, jing tơring čar rơnuč amăng kual Dap kơdư. Tui akŏ bruă phrâo ba tơbiă, Jơnum min mơnuih ƀôn sang tơring čar Dak Lak ba tơbiă hơnong pơkă ba PCI thun 2023-2025 mơng tơring čar dong amăng mrô gap ƀrô đĭ pơ glông hăng mrô puang đĭ rơbêh 6.

Laih dong lăi pơthâo 7 grup hơdră bruă kiăng  khut khăt pok pơhai ngă tui. Lơm anun, kơtưn pran gơgrong mơng hơdôm boh gơnong bruă, anom bruă, Jơnum min mơnuih ƀôn sang hơdôm boh tơring glông, plơi prong; pơtrut pơplih ngă hră pơ-ar, tañ ƀiă amăng bruă ngă hră pơ-ar bơdjơ̆ nao bruă tuh pơ alin, sĭ mơdrô mơng hơdôm anom bruă, hrŏ ƀiă prăk duh, hrơi mông, prăk duh lơm mut hrŏm bơwih ƀong sĭ mơdrô, mă yua lŏn mơnai, kơtưn pơbưp, pơlăi nao rai, pơsir hĭ tơnap tap, gun găn mơng anom bơwih ƀong sĭ mơdrô.