Khua mua pơ ala mơnuih ƀôn sang tơring čar Dak Lak hơmâo sem glăi, pơsit 11 mơta hră pơtrun tui tơlơi phiăn, 19 hră pơtrun phara hăng pơsit lu tơlơi pơkă yom pơkŏn. Anai lĕ atur, anăp ngă, jơlan hơdră, tơlơi pơsir kiăng pơtrut pơđĭ kyar bơwih ƀong huă mơnuih mơnam.

Thun 2025, Dak Lak pơkă tơhnal pơtrun kiăng pơđĭ rơnoh pơđĭ kyar truh 7%, rơnoh pơhrui glăi mơ̆ng mơnuih ƀôn sang pơkă dưm dưm lĕ 81 klăk prăk, prăk duh jia kơ kơnuk kơna gir kiăng hơmâo 9000 klai, mrô sang anŏ ƀun rin hrŏ mơ̆ng 3% pơngŏ. Pơhiăp ƀơi mông jơnum, yă Huỳnh Thị Chiến Hòa, Khua Jơnum min pơ ala mơnuih ƀôn sang tơring čar Dak Lak, rơkâo djop gưl anom bruă amăng tơring čar pơtum pơblih phrâo, dăp glăi bruă mă, pơphun brơi anom bruă kơnuk kơna abih bang amăng glông bruă kơđi čar, khom gum ngă hrŏm sa pran jua ; pơtrut hmar hloh, khut khăt ngă kiăng djop tơhnal pơkă tui rơnoh jao mơ̆ng akŏ thun.