Dak Lak gơgrong amăng pơgang hŭi apui ƀong glai amăng bơyan phang
Thứ bảy, 08:00, 24/02/2024
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai- Tơring čar Dak Lak ră anai hơmâo rơbêh 479.000 ektar glai rưng, amăng anun 413.000 ektar glai sô hơđăp hăng rơbêh 83.000 ektar glai pla glăi. Amăng bơyan không phang anai, hơdôm anom bruă bơdjơ̆ nao ƀơi tơring čar Dak Lak glăk pơtrut kơtang bruă ngă tui hơdôm hơdră pơgang hŭi apui ƀong glai.
Tui anun, hơdôm gơnong bruă, gong gai hăng ƀing wai lăng glai amăng tơring čar Dak Lak tŏ tui kơtưn bruă pơtô pơblang, hruă kjăp pran răng kơđiăng ngă tui tơlơi phiăn mơng ƀing apăn bruă, mơnuih mă bruă amăng wai lăng glai rưng, pơgang hŭi apui ƀong glai. Gơgrong hơmâo hơdră pơgang hlâo hŭi apui ƀong glai lăp djơ̆ hăng tơlơi sit nik amăng ƀon lan; hmao tlôn ĕp, prah apui anăm brơi lar hyu kơtang…Sit biă ñu hơdôm boh tơring glông Ea H’Leo, Ea Sup, Ea Kar, Buôn Đôn…
Lu kual glai rưng glăk amăng mrô 4, 5, anai lĕ mrô hŭi rơhyưt hloh. Anom bruă hơmâo gum hrŏm hăng hơdôm boh ƀon lan, ƀing jao wai lăng glai hăng mơnuih ƀôn sang hơdip giăm glai rưng pơtruh bruă pơgang apui ƀong glai.
Viết bình luận