Mă bruă hăng gơnong bruă pơtô pơjuăt, ơi Tạ Anh Tuấn, Khua Jơnum min mơnuih ƀôn sang tơring čar Dak Lak, rơkâo gơnong bruă gơgrong amăng pơjing “Akŏ bruă pơđĭ kyar pơtô pơjuăt amăng tơring čar Dak Lak rơwang thun 2025-2030”, amăng anun lăng glăi djop mơta hơbô̆ bruă glăk mă yua, anăm pơƀuh mă đôč, anăp nao boh than ba glăi sit nik. Lơm hơdôm tơlơi truh kih kơ mrô čơđai rơgơi, pơplih jơlan hơdră pơtô hrăm ba glăi boh tŭ yua, bruă pơtô hrăm pok mă raih daih ăt lĕ bruă kiăng pơplih mơng gơnong bruă pơtô hrăm Dak Lak.

Puang jŭ yap bơkơnar tal pơplông abih anih 12 hơdôm thun rơgao amăng tơring čar tŏ tui dong amăng grup rơnuč đơ đam dêh čar. 2 tal pơplông mut hrăm anih 10 rơgao, puang pơplông amăng 3 tơlơi hrăm mut hrăm anih 10 kual yŭ, aset hloh.  Hrŏm hăng anun lĕ bruă kơƀah nai pơtô, kơƀah gơnam măi mok, lu anih hrăm pok jang jai, hơmâo tơlơi phara kơplah wah kual gêh gal hăng tơnap tap. Ơi Tuấn brơi thâo, hơdôm bruă anai kiăng tañ pơsir hĭ kiăng hrưn đĭ klă tui amăng pơtô pơjuăt đơ đam tơring čar.