VOV4.Jarai - Anom bruă git gai Jơlan hơdră ngă hrŏm iâu pơthưr mơnuih ƀon sang tơring čar Dak Lăk phrâo pơphun Jơnum klah čun Jơlan hơdră ngă hrŏm iâu pơthưr mơnuih ƀon sang thun 2021 hăng pok pơhai bruă mă thun 2022. Amăng thun 2021, hluai tui Jơlan hơdră ngă hrŏm, hơdôm anom bruă hơmâo man pơkra brơi 169 boh sang dŏ hơdor tơngia, sang ƀing gŏp ngă tơhan, hăng sang khul mơnuih phut phung, djru ba hơdôm boh sang anŏ rin giăm 2.6900 drơi hlô rông. Laih dong, hơdôm anom bruă pok pơhai pơkra rơbêh 60 ring bruă djru mơnuih ƀon sang, khăm tơlơi ruă, brơi ia jrao kơ giăm 18.000 wơ̆t čô mơnuih, hăng mrô prăk pioh ngă bruă rơbêh 20 klai 400 klăk prăk.

Yă H’Kim Hoa Byă, Khua anom bruă iâu pơthưr mơnuih ƀon sang Ping gah tơring čar Dak Lăk, Khua anom git gai Jơlan hơdră ngă hrŏm iâu pơthưr mơnuih ƀon sang čang rơmang: Amăng thun 2022, hơdôm anom bruă pơsit Jơlan hơdră ngă hrŏm jak iâu mơnuih ƀon sang pơƀut pơ kual ataih yaih, kual tơnap hloh hăng hơdôm bruă ngă rơđah rơđông, sit nik, yua tơbua.

Siu H’Mai: Pơblang