Ring bruă anai hơmâo abih tih prăk tuh pơ alin rơbêh 36 klai prăk, hơmâo pok pơhai man pơkra dong mơng thun 2021, tơkuh nao rai jơlan dêh čar mrô 26 hăng jơlan tơring čar mrô 12 laih anun găn rơgao jơlan rơdêh đuăi hmar Khánh Hòa-Buôn Ma Thuột. Hơdôm anih phun hơmâo man pơkra giong mơng rơnuč thun 2023, samơ̆ jơlan rôk đĭ dua bơnah tơdrông ăt aka ƀu pơkra giong sui 3 thun yua bơdjơ̆ nao bruă pơhrui glăi lŏn mơnai hăng kơƀah lŏn bôr đĭ.

Truh ră anai, hơdôm anŏ ngă tơnap tap hơmâo pơsir hĭ. Anom bruă tuh pơ alin rơkâo hơdôm anom bruă man pơkra pơkiăo nao lu mơnuih, măi mok, gơnam tam, hơneč mă ayuh hyiăng gêh gal kiăng pơtrut tañ bruă man pơkra. Lơm pơgiong, tơdrông amra tơkuh nao rai jơlan glông giăm 30 km, ngă gêh gal brơi jơlan nao rai kơ hơdôm hơpluh rơbâo čô mơnuih hăng pơgôp pơtrut pơđĭ kyar  bơwih ƀong huă-mơnuih mơnam amăng kual Ngŏ dơnung tơring čar Dak Lak.