Ƀing khua mua hơmâo kơsem min tong ten, lăi pơthâo rơđah Hră pơčrâo mrô 35 mơ̆ng Ding jum kơđi čar kơ Jơnum ruah khua ping gah djop gưl, anăp nao ruah khua ping gah dêh čar tal XIV; akŏ bruă mrô 232 mơ̆ng Ping gah tơring čar, kơ jơnum ruah khua ping gah djop anom bruă, djop gưl anăp nao jơnum prong ruah khua ping gah tơring čar tal XVIII hăng jơnum ruah khua ping gah dêh čar tal XIV;

Hră pơtô mrô 27 mơ̆ng Anom pơphun bruă ping gah dêh čar hăng hră pơtô ba mrô 05 mơ̆ng khul khua apăn bruă phun ping gah tơring čar pơčrâo hơdôm boh yôm phun kơ jơnum ruah khua ping gah djop gưl, anăp nao rua khua ping gah tơring čar tal XVIII, rơwang bruă thun 2025-2030. Ơi Nguyễn Đình Trung, Khua git gai ping gah tơring čar Dak Lak pơtrun hiăp, amăng bruă mă prăp lui jơnum ruah khua, kiăng đing nao kơ bruă ruah mơnuih ngă khua, apăn bruă.