Mơguah lơ 14/6, Jơnum min mơnuih ƀôn sang tơring čar Dak Lak jơnum pơčrong sai bruă yôm lok 9, tal X rơwang bruă thun 2021-2026 kiăng pơsit lu hră pơtrun yôm pơdjơ̆ nao bơwih ƀong huă mơnuih mơnam tơring čar. Amăng tal jơnum, khua mua pơ ala mơnuih ƀôn sang tơring čar Dak Lak ăt hơmâo ruah pơhrua Kơ-iăng khua jơnum min mơnuih ƀôn sang tơring čar tal X, rơwang bruă thun 2021-2026. Ƀơi mông jơnum, ƀing khua mua sem lăng, pơtong glăi hăng pơsit hĭ hră pơtrun, lăi pơthâo rơnoh prăk mă yua thun 2021; pơtong glăi rơnoh gơnam sĭ mơdrô, bruă man pơkra bơnư̆ pơkong ia thun 2022 hăng ring bruă mă yua rơnoh prăk mơ̆ng Kơnuk kơna; pơkă boh yôm phun, rơnoh prăk brơi yua pơkă kơ sang bruă pơhrăm añ gơñ pơgŏ, bruă mă añ gơñ hot jrao ma túy pơ sang anŏ, amăng plơi pla, pơ anih hrăm añ yua kơnuk kơna wai lăng; hơdră djru prăk kơ ƀing kơhnâo gru grua đưm amăng tơring čar Dak Lak mơ̆ng thun 2023-2025.

Ƀơi mông jơnum ăt pơphun ruah pơhrua kơ-iăng Khua jơnum min mơnuih ƀôn sang tơring čar hăng Nguyễn Thiên Văn, ding kơna apăn bruă ping gah tơring čar, Khua git gai ping gah, khua jơnum min mơnuih ƀôn sang tơring glông Ea Sup.