VOV4.Jarai - Dak Lăk kiăng pơƀut pơsir hĭ hơdôm tơlơi dŏ gun đah mơng tañ brơi prăk tuh pơ plai bruă kơnuk kơna jao. Anai jing tơlơi hơmâo Jơnum min pơ ala mơnuih ƀon sang tơring čar ba tơbiă ƀơi mông jơnum Jơnum min pơ ala mơnuih ƀon sang tơring čar lok 4, tal 10, rơwang thun 2021-2026 pơphun amăng hrơi tom brơi lơ 13/7.

Mông jơnum.

Hrŏm hăng bruă pơtŏng glăi bruă dưi ngă amăng pơđĭ kyar bơwih ƀong huă - mơnuih mơnam, pơgang rơnuk rơnua lŏn ia amăng 6 blan akŏ thun hăng hơdôm bruă mă yôm phun amăng 6 blan rơnuč thun, ƀơi mông jơnum anai, Jơnum min pơ ala mơnuih ƀon sang tơring čar Dak Lăk amra bơkơtuai, pơsit brơi lu tơlơi pơtrun yôm kah hăng: Tơlơi pơtrun pơkă mrô prăk jia hăng bruă man pơdong ƀơi tơring čar; tơlơi pơtrun pơkă rơnoh mă djŏp mơta prăk ngă hră pơ-ar hăng tơlơi pơtrun kơ bruă pơplih tuh pơ plai ring bruă djru pơđĭ kyar plơi pla ƀơi guai dêh čar - ring bruă anet ƀơi tơring čar Dak Lăk; tơlơi pơtrun pơkă kơ hơdră ngă bruă, hơnong pơkă, mrô pơpha brơi prăk čan mơng kơnuk kơna pioh ngă jơlan hơdră dêh čar pơđĭ kyar bơwih ƀong - mơnuih mơnam kual mơnuih ƀon sang djuai ƀiă hăng čư̆ siăbg, rơwang thun 2021-2030.

Siu H’Mai: Pơblang