VOV4.Jarai-Mơ̆ng akŏ thun truh ră anai, tơlơi pơhing rô nao rai ƀơi jơlan glông tơring čar Dak Lak tơlơi truh rơdêh pơjrom hơmâo hrŏ truh ƀơi 3 mơta tơlơi pơkă, tơlơi pơjrom  kơtang, mrô mơnuih djai hăng rơka. Rơđah biă mă ñu, amăng 8 blan rơgao, ƀơi Dak Lak hơmâo 151 wơ̆t pơjrom, ngă kơ 112 čô mơnuih djai, mrô mơnuih rơka 76 čô. Pơkă hăng tal anai mơ̆n thun hlâo hrŏ 9 wơ̆t, 11 čô mơnuih djai hăng 35 čô mơnuih rơka. Anom bruă kơnuk kơna tơring čar hơmâo pơtrut bruă ngă, pơgang kjăp tơlơi rơnuk rơnua, boh nik ñu hlâo, amăng hơdôm hrơi hăng tơdơi kơ hrơi jơnum mơak hơdor glăi akŏ pơjing kơnuk kơna dêh čar lơ 2/9.

Tơlơi pơhing rơdêh pơjrom ƀơi Dak Lak rơbêh 8 blan thun 2022 hrŏ 3 tơhnal pơkă

Ơi Bùi Văn Ngọc-Khua anom bruă Khul wai pơgang tơlơi rơnuk rơnua jơlan glông tơring čar Dak Lak brơi thâo, Khul pơgang tơlơi rơnuk rơnua jơlan glông Dak Lak hơmâo lăi pơthâo hăng jơnum min mơnuih ƀôn sang tơring čar kơ bruă hyu tir, sem lăng, pơsir hơdôm tơlơi soh ƀơi jơlan glông; pơtrut bruă pơtô lăi kơ mơnuih ƀôn sang djop plơi pla, boh nik amăng sang hră kiăng kơ mơnuih ƀôn sang hăng čơđai sang hră ngă djơ̆ tơlơi phiăn Jơlan glông dêh čar.

Nay Jek: Pơblang