Hră pơtrun anai tui tơlơi phiăn “glông mơtah” dưi ngă lông lăng hăng hơdôm kơčăo bruă tuh pơ alin kơ bruă pơblih yua mrô gah bruă khom tuh pơ alin prăk kăk pơđĭ kyar tui tơlơi pơkă amăng Hră pơtrun mrô 224 mơ̆ng Kơnuk kơna.

Khul dưi ngă tui hơmâo dua črăn phun lĕ pơtong glăi, pơsit jơlan hơdră tuh pơ alin hăng pơtong glăi, pơsit brơi tuh pơ alin kơčăo bruă anun. Jơnum min mơnuih ƀôn sang tơring čar Dak Lak pơkă tơhnal gir run ngă tañ hloh boh ƀiă 30% hrơi blan pơkă pơsir hră pơar gah tơlơi glăm ba mơ̆ng sang bruă kơnuk kơna pô pơtong glăi, mă hiăp pơgôp, čih pơƀut glăi, lăi pơthâo kĭ hăng brơi ngă tui hăng djop akŏ bruă dưi brơi ngă. Tơdơi kơ 6 blan pok pơhai amra pơphun pơtong glăi hnang blung ngă tui, tơdơi 1 thun dơ̆ng jơnum pơƀut glăi bruă ngă pioh sem lăng či ngă tui dơ̆ng, ƀư̆ pơkra glăi ƀudah pok prong tui kơ khul dưi ngă tui.