Bruă mă tơlơi pơgôp hiăp hơmâo pơphun djŏp anih pơ gơnong bruă, anom bruă, plơi pla; Jơnum min djŏp djuai ania mơnuih mơnam Việt Nam tơring čar hăng hơdôm khul grup, mơnuih rơgơi kơhnâo; mơnuih mă bruă, khua mua amăng kơnuk kơna hăng abih bang mơnuih ƀôn sang. tơlơi pơgôp hiăp hơmâo abih bang Tơlơi pơtrun, amăng anun pơƀut kơ hơdôm tơlơi hơmâo čih pơkra glăi hăng pơhrua tui. Hrơi hơduah tơña pơphun mơ̆ng hrơi anai lơ 15/5 truh abih lơ 25/5.

Mơnuih ƀôn sang ăt dưi pơgôp hiăp tui glông VNeID, Glông điện tử Ƀirô khua pơ ala mơnuih ƀôn sang dêh čar, Gong gai dêh čar; ƀudah mơit hră pơ Jơnum min mơnuih ƀôn sang tơring čar, Khul khua pơ ala mơnuih ƀôn sang dêh čar tơring čar hăng Jơnum min djŏp djuai ania mơnuih mơnam Việt Nam tơring čar. Gưl tơring glông hăng să amra pơphun bruă jơnum, ră ruai...lăp djơ̆ hăng tơlơi kiăng sit nik pơ tơring.