VOV4.Jarai-Kông ty apui lơtrik Dak Lak ngă hrom khua git gai kơčăo bruă apui lơtrik plơi pla kual Tong krah, Kông ty lông ngă tui hơdră phrâo pơkĕ apui lơtrik kual Tong Krah hrom hăng lu anom bruă ĕp lăng mă yua anom ngă pơkơtang hrĕ apui  110 kV Krông Ana 2 tơdơi kơ pơđĭ tui jua kơtang lông ngă lăng phrâo. Ring bruă anai hơmâo rơnoh prăk tuh pơ alin rơbêh 20,7 klai prăk, man pơkra tui jơlan hrĕ apui lơtrik jua kơtang 110 kV hlâo kơ anun ƀơi tơring kual Ƀuôn Trấp, tơring glông Krông Ana.

Nao ĕp mrô rơnoh pơkă hlâo kơ lông pơkĕ yua apui lơtrik

Anai lĕ anom ngă tơdu kơtang apui lơtrik yôm biă mă pơkĕ brơi truh 90% rơnoh apui lơtrik yua kơ tơring glông Krông Ana. Kơčăo bruă anai ngă giong rơnoh apui lơtrik hăng pơsir tơlơi kơniă ngă čơtăng apui lơtrik hrĕ hơđăp ƀu anăm bong ôh. Laih dơ̆ng, anom  ngă tơdu kơtang apui lơtrik anai djru hrom ngă pơdjop pioh pơkĕ apui lơtrik  brơi wơ̆t tơring glông Čư̆ Kuin dơ̆ng yua, hrom hăng kual dơnung plơi prong Ƀuôn Ma Thuôt tơdah hơmâo tơlơi truh hrĕ apui lơtrik răm thơ.

Nay Jek: Pơblang