VOV4.Jarai-Ƀơi să kual ataih Krông Nô, tơring glông Lak, tơring čar Dak Lak, Anom bruă tơdăm dra mut phung tơring čar hơmâo pơphun tal pơplông Pơtô pơblang tơlơi phiăn, bruă mă pơhlôm pơgang tơlơi răm ƀăm mơnuih mơnam amăng ƀing hlăk ai tơdăm ngek dra muai thun 2022. Anai lĕ, bruă mă kiăng pơđĭ tui tơlơi thâo hluh hăng thâo hruaih tơlơi phiăn kơnuk kơna kơ ƀing tơdăm dra mut phung hlăk ai hăng mơnuih ƀôn sang dŏ ƀơi kual ataih. Nao pơplông hrom hơmâo 50 čô tơdăm dra mut phung ƀơi să Krông Nô, tơring glông Lak.

Tơdăm dra mut phung pơčeh phrâo pơtô pơblang tui hơdră pơdah ngă sen

Hăng dua črăn pơplông tơlơi thâo hră hăng anŏ rơgơi pơčeh phrâo, ƀing ding kơna khul nao pơplông hơmâo hơduah ĕp čih dăp boh yôm phun hăng hră pơar pơhrua nao amăng Tơlơi phiăn jơlan glông; Tơlơi phiăn Hlăk ai čih pơkra glăi pơhrua dơ̆ng thun 2020; Tơlơi phiăn mut ngă tơhan; Tơlơi phiăn pơhlôm, pơgang ma túy; Tơlơi phiăn pơhlôm, pơgang anŏ răm ƀăm mơ̆ng djup hot. Hrom hăng anun, ƀing hlăk ai tơdăm dra mut phung dŏ ngă hrom lu tơlơi ngui ngor, jak iâu, hơduah ĕp djop hơdrôm hră kiăng ĕp lăng tơlơi phiăn kơnuk kơna.

Nay Jek: Pơblang