Jơlan hơdră anai čơkă hrơi ngă lơphet hlăk ai kơsung nao hlâo (15/7), pơpŭ kơ hrơi tơhan rơka djai pơsăn drơi (lơ 27/7). Ƀơi hrơi adoh suang, ƀing khua hơdor glăi gru grua 73 thun mơ̆ng hlăk ai sông kơtang, kơsung nao hlâo ngă bruă, hơmâo lăng tơlơi adoh suang mơ-ak bơni kơ pran jua blah ngă, khin hơtai, pran jua mơ-ak, đăo gơnang khŏm blah dưi hăng tơlơi khăp amuaih, tơlơi khăp ƀu-eng kơ ƀing gŏp.

Pơ ala kơ hlăk ai hơđăp kơsung nao hlâo tơring čar Dak Lăk ăt ră ruai kơ hrơi blan blah ngă, tơlơi khăp ƀu-eng hăng ƀing gŏp, tơlơi gum pơgôp tơhan hăng mơnuih ƀôn sang gum ngă bruă hăng tơlơi djai brŭ. Ƀrô hrơi anai mơn, grup pơphun jơnum hơmâo brơi 15 pok hră pơkom prăk (rim pok hră hơmâo 5 klăk) hăng 32 anung gơnam kơ hlăk ai đưm kơsung mă bruă sang anŏ tơnap tap.