VOV4.Jarai - Mơguah lơ 23/6, Ping gah tơring čar Dak Lăk hơmâo pơphun Jơnum lăi pơthâo akŏ pơdong hăng ba pơƀuh Khul git gai pơgang pơgăn hưp ham ƀong kông ngăn amăng tơring čar. Anom bruă anai hơmâo 15 čô ding kơna yua ơi Nguyễn Đình Trung - Ding kơna Ping gah, Khua git gai Ping gah tơring čar ngă Khua khul. Kơ-iăng khua hơmâo: ơi Phạm Minh Tấn - Kơ-iăng khua Ping gah tơring čar; yă H’Lim Niê - Khua anom bruă pơgăn ƀong kông ngăn mơ̆ng Ping gah tơring čar; ơi Nguyễn Thượng Hải - Khua Anom pơphun bruă Ping gah tơring čar; ơi Lê Văn Nghĩa - Khua jơnum min pel ĕp kơđi mơ̆ng Ping gah tơring čar; ơi Lê Vinh Quy - Khua Kông an tơring čar. Tơdơi kơ mông Jơnum ping gah lok 5, hăng pran jua ngă bruă ječ ameč, khut khăt, Khul khua apăn bruă git gai Ping gah tơring čar Dak Lăk hơmâo bơkơtuai, tŭ ư akŏ pơdong khul git gai bruă pơgang pơgăn hưm ham ƀong kông ngăn tơring čar. Dak Lăk ăt jing sa amăng hơdôm boh tơring čar tañ akŏ pơdong Khul git gai gưl tơring čar kơ bruă pơgăn hưp ham ƀong kông ngăn kơnuk kơna.

Siu H’Mai: Pơblang