Anai jing tơlơi hơmâo lăi dlăm ƀơi mông jơnum pơtŏng glăi bruă bơwih ƀong huă - mơnuih mơnam blan 10 hăng 10 blan thun 2026 phrâo hơmâo Jơnum min mơnuih ƀon sang tơring čar Dak Lăk pơphun. Amăng 10 blan, prăk pơhrui mơ̆ng bruă čơkă tuai hơmâo rơbêh kơ 17.800 klai prăk, rơgao kơ hơnong pơkă sa thun.

Tơring čar pơƀut pơsir brơi rơbêh 280 kơčăo bruă ngă kaih, jing hơmâo giăm 71%. Khă hnun, prăk pơhrui kơ kơnuk kơna hơmâo kraih 14.320 klai prăk đôč, jing kơƀah năng ai 390 klai dong. Khua jơnum min mơnuih ƀon sang tơring čar Dak Lăk rơkâo hơdôm gơnong bruă, gong gai ƀon lan lăng glăi abih bang bruă aka ƀu dưi ngă, lăng rơđah bruă hơget dŏ kơƀah, hăng pơhrua hiưm pă; wai lăng bruă man pơkra ring bruă tui rim wơ̆t hrơi tơjuh, mă prăk mơ̆ng kơčăo bruă ƀu dưi ngă giong brơi kơ hơdôm kơčăo bruă glăk ngă klă, khut ƀu brơi bruă ngă dŏ kơƀah amăng blan 10 pơdun truh pơ blan 12 dong./.