VOV4.Jarai - Hăng bruă mă tơlơi tŭ ư, djơ̆ pran mơng mơnuih ƀon sang, anom bơwih ƀong pơkă brơi anŏ klă mơng mơnuih mă bruă kơnuk kơna, tơring čar Dak Lăk pơtrut ngă dong mơn bruă pơplih phrâo bruă mă anun lĕ plai ƀiă ngă hră pơ-ar lu đơi, plai ƀiă rơngiă mông, ngă amuñ brơi mơnuih ƀon sang, anom bơwih ƀong; pơhmư̆ tơlơi pơgôp hiăp mơng mơnuih ƀon sang. Truh ră anai, mrô pơplih hơdră ngă bruă amăng anom bruă kơnuk kơna mơng Dak Lăk dong mrô 45/63 boh tơring čar ƀon prong; mrô mơnuih lăng djơ̆ pran, bơni kơ tơlơi bơwih brơi mơng 15 anom bruă hơmâo 84%; mrô mơnuih lăng djơ̆ pran kơ bruă bơwih brơi ngă hră pơ-ar mơng hơdôm boh tơring hơmâo 79%.

Dak Lăk kiăng truh thun 2025, mrô pơplih hơdră ngă bruă mơng anom bruă kơnuk kơna amra dong mrô 20/63 boh tơring čar, ƀon prong. Kiăng dưi ngă tơlơi anai, bruă pơplih phrâo bruă mă hơmâo tơring čar ngă ƀơi abih bang 6 mơta tơlơi: pơplih phrâo hơdră ngă bruă, pơplih phrâo bruă ngă hră pơ-ar, pơplih phrâo mơnuih mă bruă Kơnuk kơna; pơplih phrâo tơlơi djru bruă bơwih brơi kơnuk kơna; pơplih bruă prăk kơnuk kơna; Akŏ pơjing hăng pơđĭ kyar Kơnuk kơna yua điện tử.

Siu H’Mai: Pơblang