VOV4.Jarai - Ƀơi anăp bruă klin kheng Covid-19 kơtang tui, lơ̆m mrô čơđai yŭ 18 thun ƀă klin jai lu tui amăng hơdôm  hrơi rơgao, mơguah lơ 23/2, ơi Nguyễn Đại Phong, Khua sang ia jrao prong kual Dap Kơdư brơi thâo, Sang ia jrao glăk gir prăp lui čơkă ƀing čơđai ƀă klin Covid-19 ruă kơtang mut pơjrao pơ tơdruai sang E mơng sang ia jrao. Tui hăng ơi ia jrao Phong, hlâo adih sang ia jrao hơmâo akŏ pơdong laih sa anih pioh pơjrao ƀing ƀă klin Covdi-19 kơtang ƀơi tơdruai sang G, amăng anun hơmâo 10 boh sưng đih kơ ƀing čơđai ruă kơtang. Samơ̆, ră anai mrô čơđai ƀă klin Covid-19 lu tui, anun jing Gơnong bruă ia jrao git gai kơ Sang ia jrao pơdong sa anih pơjrao brơi ƀing čơđai ruă kơtang.

Čơđai pơjrao Covid-19 hrŏm hăng amĭ ñu pơ Sang ia jrao prong kual Dap Kơdư.

Yap mă kơnong mơng akŏ thun truh ră anai, tơring čar Dak Lăk čih pioh hơmâo 11.563 čô mơnuih ƀă klin Covid-19, amăng anun hơmâo 6.941 čô mơnuih lĕ čơđai yŭ 18 thun, dưm dưm giăm 30% mrô mơnuih ƀă klin.

Siu H’Mai: Pơblang