VOV4.Jarai - Tlam lơ 8/7, rơbêh kơ 20.400 čô čơđai gah Khul pơplông Dak Lak hơmâo pơgiong hĭ tơlơi pơplông rơnuč tal pơplông abih anih 12 thun 2022. Tal pơplông anai pơphun pơhlôm rơnuk rơnua, tơpă sit, dưm kơnar laih anun djơ̆ hăng tơlơi pơkă mơng gơnong bruă pơtô hrăm ba tơbiă.

Lăi pơthâo tañ tơdơi kơ pơgiong tal pơplông, ơi Phạm Đăng Khoa, Khua gơnong bruă pơtô pơjuăt Dak Lak, Kơ-iăng khua anom bruă git gai gưl tơring čar kơ tal pơplông abih anih 12 thun 2022 ƀơi Dak Lak brơi thâo: Thun anai yua hơmâo hơmâo tơlơi gum hrŏm mơng djop anom bruă kơđi čar, djop gưl, gơnong bruă, khul grup hơmâo ngă klă amăng bruă pơhlôm hơđong, laih dong hmao tlôn djru brơi gơnam tam, djop mơta brơi ƀing čơđai hăng ƀing amĭ ama kiăng hơđong pran jua nao pơplông. Mrô čơđai nao pơplông djop tơlơi hrăm lĕ 99,55%. Tơlơi pơplông gah ƀrô hăng hơmâo tơnap laih dong amuñ. Samơ̆, ăt hơmâo 3 čô čơđai ngă soh hăng tơlơi pơkă yua djă măi telephôn mut nao amăng anih pơplông.

Siu Đoan: Pơblang