VOV4.Jarai - Thun hrăm 2021-2022, tơring čar Dak Lak hơmâo rơbêh 34.800 čô čơđai hrăm anih 12 nao pơplông abih anih 12, lu čơđai amăng mrô anai amra nao pơplông mut hrăm ƀudah čih anăn kiăng kơ xét tuyển mut hrăm sang hră gưl prong, Cao đẳng.

Ƀing čơđai anih 12 ƀơi tơring glông Krông Pač, tơring čar Dak Lak

Kiăng kơ ngă gêh gal klă kơ ƀing čơđai hrăm anih 12 tañ thâo hơdôm tơlơi pơhing bơdjơ̆ nao bruă mut hrăm gưl prong, Cao đẳng, gơnong bruă pơtô pơjuăt tơring čar Dak Lak rơkâo djop sang hră kiăng kơ pơlăi nao rai kơplah nai pơtô hăng ƀing amĭ ama, čơđai sang hră hluai tui hơdră: ƀơi anăp, mơ-it tơlơi čih, amăng zalo, facebook…Hrŏm hăng anun, djop sang hrăm kiăng kơ pơhlôm brơi tơlơi gal gơnam măi mok kiăng kơ djru brơi ƀing čơđai lơ̆m nao čih anăn, pơplih hĭ hơdôm tơlơi hrăm amăng hơdôm sang hră tơdơi kơ hơmâo puang pơplông abih anih 12.

Siu Đoan: Pơblang