Dak Lak pơhlôm kjăp drai ia apui lơtrik amăng bơyan hơjan hlim
Thứ sáu, 10:47, 04/08/2023
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai-Hơjan amăng hơdôm hrơi laih rơgao, tơring čar Dak Lak hơmâo pok pơhai lu hơdră bruă kiăng gơgrong amăng pơhlôm kjăp dơnao pơkŏng ia, drai ia apui lơtrik, laih dong ngă tui bruă jao pơđoh trun ia pơ bah.
Dak Lak ră anai hơmâo 20 boh sang măi drai ia apui lơtrik hăng 5 boh sang măi drai ia apui lơtrik gah tơring čar pơkŏn hơmâo glông rô mut hrŏm. Kiăng pơhlôm brơi dơnao ia hăng kual pơ bah amăng bơyan hơjan hlim, tơring čar Dak Lak rơkâo hơdôm anom bruă wai lăng drai ia apui lơtrik ngă tui khut khăt amăng wai lăng hơdôm boh dơnao, kiăo tui lăng na nao ayuh hyiăng pơplih kiăng wai lăng dơnao kjăp; hmao tlôn pơhŭi hlâo brơi gong gai ƀon lan hăng mơnuih ƀon sang lơ̆m pơđoh trun ia ječ.
Tơring čar git gai gơnong bruă tuh tia pơkra pơjing gum hrŏm kjăp hăng gong gai ƀon lan hăng hơdôm anom bruă bơdjơ̆ nao kơtưn amăng bruă pel ĕp, lăng glăi hơdôm anih amuñ lŏn tơhlŏm kiăng bư̆ kjăp, pơkra ming hmao tlôn.
Viết bình luận