VOV4.Jarai-Djop anom bruă gah apui lơtrik Dak Lak hlăk pơtrut tañ bruă pơkra ming, kiăng amăng blan 8 anai ngă giong bruă pơkra glăi hiam rơbêh 70 km jơlan hrĕ kap dăng kông dăng ƀơi tơmeh apui lơtrik brơi hiam hloh. Akŏ bruă mơ̆ng ră anai truh abih thun 2025, anom bruă apui lơtrik Dak Lak amra ngă tui, pơhrôp glăi giăm 310 km hrĕ dăng kông akă hrom ƀơi gong apui lơtrik amăng plơi prong.

Mơnuih mă bruă akă glăi hrĕ dăng kông ƀơi tơring glông Ea Sup

Tui hăng anun, anom bruă apui lơtrik amra ruh abih hrĕ tơ̆i, hrĕ sô ƀu thâo yua, akă čuăl hĭ hơbôt, hơdui glăi brơi čơtăng tơpă huăi deng dong ngă hŭi rơhyưt kơ mơnuih rơbat ƀơi akiăng jơlan. Laih dơ̆ng, PC Dak Lak ăt pơtrun hiăp kơ djop sang bruă dăng kông khom pơhrui glăi abih hrĕ hơđăp tơ̆i laih ƀu thâo yua; ba pơđuăi hơdôm ƀĕ gong akă hrĕ kap ƀu kiăng dơ̆ng tah, ngă sat hơbô̆ hiam treng jơlan amăng plơi prong.

Nay Jek: Pơblang