Ƀing khua, nai pơtô, mơnuih hrăm bruă pơgang lŏn ia, wai lăng rơnuk rơnua hrŏm hăng ƀing khua amăng tơring čar, hơdôm gơnong bruă lăi nao hơdôm tơlơi pơtô djơ̆, gêh găl hăng bruă hơmâo sit amăng đĭ kyar bơwih ƀong huă - mơnuih mơnam pơlir hăng pơgang lŏn ia, rơnuk rơnua plơi pla. Sa tơlơi hơmâo lăi dlăm ƀơi mông jơnum lĕ bruă đĭ kyar bơwih ƀong huă khŏm nao hrŏm hăng akŏ pơdong kual pơhlom pơgang, hơkrŭ kjăp “mơnuih ƀon sang gum pơgang lŏn ia”.

Tui anun, pơđĭ tui tơlơi hơdip mơda, hrŏ trun ƀun rin, pơhlom tơlơi bơwih ƀong hơđong kơ mơnuih ƀôn sang, biă ñu pơ guai dêh čar, hăng kual plơi pla djuai ania ƀiă, ƀu kơnong jing bruă đĭ kyar đôč ôh ăt gum pơgôp bong kjăp rơnuk rơnua amăng plơi pla. Khua ping gah tơring čar Dak Lăk ơi Lương Nguyễn Minh Triết lăi, khŏm pơmut bruă đĭ kyar bơwih ƀong - mơnuih mơnam hăng bruă prăp rơmet akŏ pơjing kual pơgang lŏn ia, rơnuk rơnua hơđong kjăp mơ̆ng blung a mơtăm, biă ñu hơdôm kơčăo bruă prong, jơlan nao rai akŏ phun hăng anih yom amăng bruă pơgang lŏn ia./.