VOV4.Jarai - Amăng 2 hrơi lơ 24, 25/3, tơring glông Čư̆ Kuiñ, tơring čar Dak Lăk hơmâo pơphun Jơnum ruah khua hlăk ai rơnuk Hồ Chí Minh tal 4, rơwang thun 2022-2027. Anai jing anom bruă amăng kual mơnuih djuai ƀiă hơmâo Khul hlăk ai tơring čar Dak Lăk ruah ngă anih pơphun Jơnum. Tui hăng tơlơi lăi pơthâo glăi ƀơi mông jơnum, amăng 5 thun rơgao, grup khua hlăk ai hăng bruă mă mơng hlăk ai ƀơi tơring glông Čư̆ Kuiñ hơmâo lu tơlơi dưi ngă prong kah hăng: man pơdong hăng pơkra 31 anih ngui ngor kơ ƀing čơđai, man pơdong sang khăp pap, sang khăn quàng mriah kơ mơnuih ƀon sang hăng čơđai sang anŏ tơnap.

Anih pơphun Jơnum ruah khua hlăk ai amăn kual mơnuih djuai ƀiă mơng hlăk ai Dak Lăk

Djru hăng pơtô ba, pơƀuh bruă mă kơ 5.500 čô hlăk ai hăng djru ba 72 čô hlăk ai hơmâo tơlơi soh pơwơ̆t glăi hơdip klă. Pơphun pok hơdôm pluh anih pơtô luai hăng pơtô brơi hơdră hơdip mơda klă kơ ƀing čơđai. Hơdôm grup hlăk ai ăt hơmâo ngă 44 ring bruă, hơmâo nua 650 klăk prăk. Jơnum ruah khua hlăk ai hơmâo ruah Khul khua git gai hlăk ai mut phung rơnuk Hồ Chí Minh tơring glông Čư̆ Kuiñ tal 4, rơwang thun 2022-2027, hơmâo 21 čô hăng ruah Khua git gai hlăk ai ƀơi mông Jơnum hlao mơtăm.

Siu H’Mai: Pơblang