Hăng anăn đah kơmơi Dak Lăk tơgŭ bơwih ƀong pơčeh phrâo hăng pơtruh hrŏm anom bơwih ƀong, hrơi jơnum hơmâo pơphun lu bruă kah hăng pơdă pơƀuh gơnam bơwih ƀong mơng ƀing adơi amai; pơplông pơčeh phrâo bơwih ƀong thun 2023; jơnum hơdră sĭ mơdrô rơnuk 4.0; brơi prăk djru kơ đah kơmơi bơwih ƀong. Hrơi jơnum jing hrơi kiăng adơi amai amăng tơring čar pơbưp, lăi pơthâo nao rai bruă bơwih ƀong, pơđĭ kyar tơlơi bơwih ƀong; pơpŭ kơ ƀing đah kơmơi rơgơi bruă bơwih ƀong sĭ mơdrô. Pơtruh nao rai, pơƀuh gơnam tam, pơdă gơnam yua ƀing đah kơmơi pơkra pioh bơwih ƀong kiăng pơtrut pran jua, bang hyu tơlơi pơmin tơgŭ bơwih ƀong kơ ding kơna hăng adơi amai.