Hrŏm hăng bruă lăi pơthâo hơdôm črăn phrâo mơng tơlơi phiăn pơgang ba tơlơi dưi kơ mơnuih blơi yua gơnam thun 2023 (dưi mă yua dong mơng lơ 1/7/2024), Jơnum anai hơmâo pioh mông sem lăng hơdôm tơlơi tơnap tap, anŏ aka ƀu klă amăng bruă pơgang ba tơlơi dưi mơnuih blơi yua gơnam.

Tui ƀing khua mua, amăng hrơi blan rơgao, bruă anai ăt pơdah hơdôm anŏ aka ƀu klă, mơng bruă pơhlôm hrưn đĭ amăng pơgang ba tơlơi dưi kơ mơnuih blơi yua gơnam tam; hơdôm bruă anun lĕ blơi yua gơnam hơđong kjăp, blơi yua gơnam “mơtah”, pơgăn gơnam pơkra ča čot…truh hơdôm anŏ juăt ƀuh phrâo anai amăng hrơi blan mut hrŏm bơwih ƀong jar kmar anun lĕ bruă lăi pơthâo, pơsur blơi gơnam ƀu tơpă, sĭ gơnam pơlir lu mơnuih ča čot, plư pleč amăng plang mơnuih mơnam…Djop tơlơi anai kiăng hơmâo tơlơi ĕp lăng phrâo dong kiăng ba glăi tŭ yua amăng bruă pơgang ba tơlơi dưi kơ mơnuih blơi yua gơnam.