VOV4.Jarai - Kiăng kơ ƀing čơđai ƀun rin giăm guai dưi čơkă bơyan blan bơrơmi mơ-ak, mơmŏt lơ 9/9, Jơnum min mơnuih ƀon sang tơring čar Dak Lak pơphun jơlan hơdră Mlăm blan bơrơmi thun 2022 ƀơi tơring glông giăm guai Ƀuôn Đôn.

Khul pơphun jao prăk djru hrăm hră brơi čơđai ƀu run gir hrăm hră

Amăng jơlan hơdră anai, rơbêh 2.000 čô čơđai amăng tơring glông hmư̆ hră mơ-it pơpŭ bơyan blan bơrơmi kơ ƀing čơđai mơng Khua mir sir, nao ngui hrŏm djă apui kơđen, suang rơñia grai, adôh ayun suang, ngui ngă sen met Cuội - amai Hằng, ƀong ƀañ.

Suang rơñia grai amăng mlăm blan bơrơmi

Ƀrô tal anai, khul pơphun hơmâo jao 64 anung prăk djru hrăm hră brơi ƀing čơđai ƀun rin gir hrăm hră; 30 boh rơdêh dang wang brơi kơ ƀing čơđai tơnap tap aka ƀu hơmâo rơdêh đĭ nao sang hră. Jơlan hơdră anai kiăng ƀing čơđai giăm guai tơring glông Ƀuôn Đôn dưi čơkă bơyan blan bơrơmi mơ-ak mơ-ai, pơtrut pơsur gir kơtir hrăm hră kiăng kơ hơmâo puang lu hloh amăng thun hrăm phrâo anai.

Siu Đoan: Pơblang