VOV4.Jarai - Lơ 28/6, Gơnong bruă gru grua, bơkơjăp drơi jăn hăng tuai čuă ngui tơring čar Dak Lăk ngă hrŏm hăng Khul đah kơmơi tơring čar pơphun pơplông Hơduah ĕp tơlơi phiăn kơ sang anŏ hăng pơgăn tơlơi taih amang djơ̆ ngă amăng sang anŏ tơring čar Dak Lăk. Nao pơplông hơmâo 15 boh sang anŏ ƀơi 12 boh tơring glông, plơi prong hăng hơdôm khul grup, anom bruă, tơhan blah ngă; pơ ala brơi giăm 445 rơbâo boh sang anŏ ƀơi tơring čar Dak Lăk.

Grup pơplông hơmâo brơi pri kơ hơdôm boh sang anŏ.

Hơdôm boh sang hơmâo 4 wơ̆t pơplông: lăi pơthâo mơnuih amăng sang anŏ; tơlơi thâo hluh kơ jơlan hơdră mơng Ping gah, tơlơi phiăn mơng Kơnuk kơna bơdjơ̆ nao sang anŏ; pơplông lăi glăi tơlơi tơña hiư̆m ta pơsir lơ̆m hơmâo tơlơi truh amăng sang anŏ hăng pơplông tơlơi thâo thăi adoh akhan. Tơlơi pơplông jing tơlơi ngui ngor klă hiam kiăng sang anŏ thâo khăp ƀu-eng hloh, thâo lu tơlơi phiăn hloh.

Siu H’Mai: Pơblang