Truh ră anai, kông ti hơmâo dưm truă giong laih kông tơ điện tử pơkă mơng ataih kơ 100% čô tuai ƀơi tơring čar. abih bang 590.000 čô tuai lêng pơplih hră blơi sĭ apui lơtrik mơ̆ng hla pơ-ar jing ngă hră amăng điện tử, amuñ sem lăng tơlơi pơhing gah apui, mrô kông tơ, hrơi thăm apui, pơtô mă yua apui rơnuk rơnua, pơkrem...kiăo tui glông Zalo ƀudah glông lăng ba mơnuih blơi gơnam.

Rơngiao kơ anun, kông ti hơmâo ba abih bang hră pơ-ar kĭ thuâ̆t pơ hơdôm jơlan hơdră, djă pioh amăng glông điện tử kiăng amăng ƀrư̆ wai lăng kơjăp tui. Mơng anun, ƀing gơgrong bruă dưi lăng ƀuh rup hră apui, hră pơ-ar kĭ thuâ̆t măi mok, gơnam yua...wai lăng mơ̆ng ataih ăt kah hăng pơsit djơ̆ anih hơmâo tơlơi truh đah mơ̆ng pơkra brơi tañ. Laih dong, PC Dak Lăk kĭ hră hăng 15 sang bruă prăk hăng 9 anom bruă pơtruh brơi, djru ƀing tuai tla prăk apui tañ, huăi kiăng nao rai. Kông ti ăt ngă hrŏm kơjăp hăng Anom wai lăng mơnuih yua apui mơ̆ng Phun kông ti Apui lơtrik Tong krah či pơhmư̆, pơsir brơi tañ hơdôm tơlơi kiăng mơ̆ng ƀing tuai hluai tui glông: mrô iâu telephôn 19001909, email, website hăng amăng plang Facebook, Zalo...