VOV4.Jarai - Ƀrô tal hơdor glăi 81 thun hrơi akŏ pơjing Grup hlăk ai čơđai Hồ Chí  Minh (15/5), Khul hlăk ai tơring čar Dak Lak hơmâo pơphun Jơlan hơdră pơpŭ ƀing hlăk ai čơđai ngă tui “5 tơlơi pơtô mơng Wa Hô”. Amăng Jơlan hơdră, ƀing khua mua hơmâo hơdor glăi gru grua 81 thun mơng Grup hlăk ai čơđai rơnuk Hồ Chí Minh, thun blan laih rơgao hăng hơdôm bruă mơng ƀing hlăk ai čơđai tơring čar Dak Lak hơmâo pơgôp amăng đang bơnga hơdôm rơbâo bruă hiam klă kiăng kơ gum hrŏm man pơdong plơi pla pơdrông asah.

Yôm hloh lĕ bruă pơplông ngă tui 5 tơlơi pơtô mơng Wa Hô; Gum pơgôp djru brơi gơyut gơyâo dưi nao sang hră, čung tơngan anăp nao pơgi kơdih hiam klă, hơdôm tơlơi pơphun Trần Quốc Toản, gum djru gơyut gơyâo … hăng bruă hơdor tơngia, mơñum ia hơdor kơ pô klơi. Mơng hơdôm bruă pơphun anai ƀuh lu čơđai ba gru. Ƀrô tal anai, hơmâo laih 40 čô čơđai ba gru amăng pơplông ngă tui “5 tơlơi pơtô mơng Wa Hô” hơmâo Khul hlăk ai tơring čar hăng Khul pơ ala tơring čar Dak Lak pơpŭ.

Siu Đoan: Pơblang