VOV4.Jarai - Khul hlăk ai tơring čar Dak Lak phrâo pơphun pơpŭ kơ ƀing hlăk ai rơgơi ngă tui tơlơi pơtô mơng wa Hô thun 2022. Jơlan hơdră pơphun hrŏm hăng lu bruă anun lĕ pơdă prưng hơdrôm hră “Pơđok hăng hrăm tui na nao gru kơnuih mơng wa Hô”, pơphun bruă pơđok hơdrôm hră online hluai tui bruă pơčrang tui mrô QR.

Pơpŭ kơ hlăk ai rơgơi hrăm hăng ngă tui tơlơi pơtô mơng wa Hô

Ƀing khua mua hơmâo bưp, pơhiăp bit hăng ƀing hlăk ai rơgơi ngă tui tơlơi pơtô mơng wa Hô. Ƀrô tal anai, Khul hlăk ai tơring čar Dak Lak hơmâo pơphun jao pri thâo pơčeh phrâo hăng hơdôm tơlơi adôh kiăng pơtô pơblang mơng khul hlăk ai rơnuk Hồ Chí Minh tơring čar Dak Lak tal XII; Khua apăn bruă Khul hlăk ai jao pri Lý Tự Trọng brơi ƀing apăn bruă thâo rơgơi; pơpŭ 45 čô hlăk ai rơgơi lơ̆m hrăm ngă tui tơlơi pơtô mơng wa Hô ƀơi tơring čar Dak Lak.

Siu Đoan: Pơblang