Tui hăng anun, ƀing ding kơna 2 grup nao ĕp lăng jing khua mua pơ ala mơ̆ng djop gơnong bruă, sang bruă kơnuk kơna ƀơi tơring čar Dak Lak. Bruă mă mơ̆ng 2 grup khua mua anai lĕ nao ĕp lăng anih tuh djah pioh lui jăng jai, bơwih brơi kơ bruă čuk pơkra jơlan rơdêh đuăi hmar tañ giong ƀiă mơ̆ng Khánh Hòa nao pơ Ƀuôn Ma Thuôt, kah hăng kơčăo bruă črăn mrô 2 hăng mrô 3, yua Khul wai lăng kơčăo bruă mrô 6 gah Ding jum Jơlan glông hăng pơdŭ pơgiăng; Khul wai lăng kơčăo bruă tuh pơ alin man pơkra ring bruă čuk jơlan glông hăng Bruă ngă hmua laih anun pơđĭ kyar plơi pla tơring čar Dak Lak tuh pơ alin.

Hơdôm grup nao ĕp lăng khom glăm ba bruă mă ƀơi anăp Khua tơring čar, kơ hơdôm boh yôm phun hơmâo nao ĕp, sem lăng anun, glăi lăi pơthâo, ĕp hơdră pơsir djơ̆ lăp, kơnang kơ Gơnong bruă Kông ngăn hăng anih hơdip jum dar juăt lăi Gơnong yuh hyiăng tơring čar bơ tŭ ư hĭ sa hnơ̆ng hơdôm tơlơi rơkâo pơhrua nao anih či tuh djah jăng jai pioh bơwih brơi kơ bruă čuk pơkra jơlan, kiăng khom ngă giong hlâo kơ lơ 29/5/2024.