Ƀơi mông jơnum, ƀing khua mua lăi pơthâo tơlơi pơhing phun, aliăng či lăi nao amăng tơlơi pơtrun jơnum ruah khua ping gah dêh čar tal XIV. Amăng anun lăi pơtong, tơlơi pơmin kiăng, tơhnal pơkă, bruă mă hăng hơdră pơtrut pơđĭ kyar bơwih ƀong huă amăng lŏn ia rơnuk phrâo.

Jơnum anai, ăt pơtô pơblang, lăi pơthâo tong ten boh yom phun hră pơtrun mrô 79 pơđĭ kyar bơwih ƀong huă, sang bruă mơ̆ng kơnuk kơna wai lăng hăng hră pơtrun mrô 80 kơ pơđĭ kyar gru grua hiam Việt Nam amăng rơnuk phrâo. Hơdôm boh yom phun dưi lăi pơthâo djru kơ ƀing khua mua, ling tơhan blah ngă amăng tơring čar thâo hluh rơđah tơlơi glăm ba, gơgrong ngă mơ̆ng sang bruă bơwih ƀong huă gah kơnuk kơna tui atur sĭ mơdrô anăp nao mơnuih mơnam ngă khua pô bơkơnar; laih dơ̆ng lăi pơtong, boh yom mơ̆ng bruă akŏ pơdong atur gru grua hiam Việt Nam rơgơi phrâo, djă pioh gru grua hiam đưm djuai ania, djru hrŏm pơjing atur ngă kơjăp bruă man pơdong hăng pơgang lŏn ia. Hrŏm hăng anun, jơnum anai ăt lăi pơthâo hơdôm pok hră pơtrun phrâo mơ̆ng Ding jum ling tơhan pơdjơ̆ nao gah bruă ling tơhan blah ngă, akŏ pơdong bruă ngă gah ling tơhan hăng prăp lui blah ngă.