Ƀơi mông jơnum, dua bơnah tŭ ư hrŏm kơ jơlan đĭ kyar lăp djơ̆, tŭ yua tui “6 hloh” mơ̆ng Việt Nam - Khač hrơi blan rơgao. Kah pơpha hơdôm tơlơi pơplih hơdeč hmar, tơnap tap mơ̆ng rŏng lŏn tơnah, amăng kual hrơi blan rơgao, dua bơnah tŭ ư lăi bruă dua kơnuk kơna gum pơgôp hloh dong, ngă hrŏm, ngă kjăp tui tơlơi kơnang nao rai bruă kơđi čar, kah pơpha abih bang plah wah đĭ kyar hăng rơnuk rơnua, gir tui jơlan xã hội chủ nghĩa, gum hrŏm hăng jar kmar pơgăn tơlơi lông lăng rơnuk rơnua hăng đĭ kyar kiăo tui phun atur lăp djơ̆ hăng tơlơi phiăn jar kmar laih anun Phiah phiăn sang gum hơbit djŏp dêh čar jai hrơi kiăng kơtang hloh.

Klâo čô khua ding jum gah dêh čar Khač pơsit, čar Khač lăng yôm, pơpŭ biă mă laih anun amra hrŏm hăng Việt Nam pok pơhai pơthâo rơđah rơđông djŏp tơlơi pơmin hrŏm mơ̆ng khua mua pơprong, hrăm nao rai tơdruă, kah pơpha tơlơi thâo thăi akŏ pơjing Ping gah, wai lăng lŏn ia, pơgang kjăp rơnuk rơnua hăng tơlơi đĭ kyar mơ̆ng rim boh dêh čar.