Khua dêh čar ơi Phạm Minh Chính bơni biă kơ hơdôm ding jum, anom bruă bơdjơ̆ nao hmao tlôn ngă tui tơlơi git gai mơ̆ng Khua dêh čar hăng pơphun bruă pơhlom hơmâo anih blơi sĭ, hơđong nua ia săng ia jâo amăng hrơi mông kual Trung Đông glăk rung răng kơtang. Lăi khut, ƀu dưi ngă kơƀah ia săng ia jâo ôh, mah tơnap hiư̆m pă hai, Khua dêh čar ta kiăng pơplih nua ia săng ia jâo tui anih mơdrô hrŏm, laih anun Kơnuk kơna pơčrâo brơil ngă hơđong nua lăp djơ̆, tŭ yua; pơhlom klă kơ Kơnuk kơna kơ mơnuih ƀôn sang hăng anom sĭ mơdrô; ƀu dưi pioh pơđom lui gơnam, giong anun sĭ pơmă či ƀong lơi, ngă rung răng anih mơdrô. Khua dêh čar git gai hơdôm anom bruă, amăng anun hơmâo Ding jum Kông an sem lăng, pel ĕp, bơtơhmal mơtăm tơdah hơmâo tơlơi ngă soh.

Khua dêh čar ăt kiăng lăng glăi abih hăng hrŏ trun prăk jia djŏp mơta, prăk apah bơdjơ̆ nao ia săng ia jâo, djru ba anom bơwih ƀong hăng mơnuih ƀôn sang amăng mông anai, lăi pơthâo glăi hlâo lơ 20/3. Tơdah ƀơi Trung Đông ăt bơblah sui dong mơn, kiăng lăng glăi abih, tum pơƀut glăi, giong anun lăi pơthâo pơ anom bruă wai lăng sem lăng brơi prăk djru ngă hơđong nua ia săng ia jâo./.