VOV4.Jarai - Kiăng pơtô brơi mơnuih ƀon sang mă yua apui rơnuk rơnua, klă, bĕ hĭ tơlơi truh sat yua apui lơtrik ngă, tơring čar Dak Lăk phrâo pơphun pơtŏp brơi hơdôm boh sang djuai ƀiă amăng plơi pla hơmâo hrĕ apui hăng măi pơkĕ jua apui đĭ trun 110kV mă yua apui rơnuk rơnua. Anai lĕ jơlan hơdră hơmâo amăng akŏ bruă pơđĭ kyar mơnuih djuai ƀiă gah Kơčăo bruă apui lơtrik tŭ yua ƀơi hơdôm boh plơi prong găp ƀrô hăng anet mă yua prăk ODA mơng Kơnuk kơna Đức.

Pơtŏp brơi ană plơi să Drây Sáp tơring glông Krông Ana yua apui rơnuk rơnua.

Ƀơi Dak Lăk, nao hrăm hơmâo mơnuih ƀon sang să Drây Sáp (tơring glông Krông Ana), să Hòa Phú (plơi prong Buôn Ma Thuột) hăng 2 boh să Ea Hồ, Dlieya (tơring glông Krông Năng). Tui anun, ƀing apăn bruă apui lơtrik hơmâo pơtô brơi mơnuih ƀon sang mă yua apui rơnuk rơnua, thâo pơkrem, tŭ yua ăt kah hăng hơdră pơgang hlâo tơlơi truh yua apui ngă, hơdôm tơlơi thâo mă yua rơnuk rơnua apui lơtrik jua kơtang.

Siu H’Mai: Pơblang