Ƀơi mông jơnum, ƀing khua hơmâo pơthâo tong ten tơlơi pơtrun mơ̆ng Gơnong dlông hăng mơ̆ng tơring čar; hmư̆ hơdôm akŏ bruă kơ bruă pơphun, ngă bruă mơ̆ng khua mua pơ ala mơnuih ƀôn sang; tơlơi phiăn čih pơkra hră pơ-ar bơdjơ̆ nao tơlơi phiăn; tơlơi thâo rơgơi sem lăng, pơtrun hră pơ-ar hăng krăp lăng. Bruă hơmâo ngă sit nik lĕ mă yua boh thâo ia rơgơi, hrăm bruă tơña ƀing khua mua.

Pơhiăp ƀơi mông jơnum, ơi Lương Nguyễn Minh Triết, Ding kơna ping gah, Khua ping gah tơring čar Dak Lăk lăi, kiăng ƀing khua pơ ala khŏm jê̆ giăm mơnuih ƀôn sang, khŏm kiăo tui tơlơi hơmâo sit, khut khăt lơ̆m krăp lăng, pơsit tơlơi hơget lĕ khŏm gơgrong, pơhlom rim tơlơi pơtrun khŏm rơđah mơnuih, rơđah bruă, rơđah tơlơi gơgrong, rơđah hrơi mông hăng rơđah anŏ tŭ yua./.