Khua git gai Ping gah, Khua mir sir ơi Tô Lâm pơsit, Việt Nam čang rơmang mơ̆ng hrơi čuă jơmư anai, amra ngă dlăm hloh tơlơi đăo kơnang kơđi čar, ngă hrŏm prong hloh, kơtang hloh, dlăm hloh, gum djru nao rai đah mơ̆ng dưi đĭ kyar lŏn ia tui hăng tơlơi kiăng. Khua git gai Ping gah, Khua mir sir rơkâo dua bơnah pơbưp na nao, ngă kjăp tui tơlơi đăo kơnang, pơđĭ tui bruă ngă hrŏm mơ̆ng Ping gah, Kơnuk kơna, Ƀirô khua pơ ala mơnuh ƀôn sang, Jơnum min djŏp djuai ania mơnuih mơnam, kjăp tui tơmeh phun ngă hrŏm ling tơhan pơgang lŏn ia - rơnuk rơnua.

Khua jơnum min djŏp djuai ania mơnuih mơnam čar Khač ơi Vương Hộ Ninh pơsit, čar Khač lăng yom biă tơlơi rô nao rai hăng Việt Nam, jing bruă hơmâo ngă hlâo amăng bruă pơtom hiăp hăng dêh čar ieo gah; lăng yom biă hơdôm tơlơi pơplih phrâo kơđi tơlơi gêh găl mơ̆ng Việt Nam, leng kơ dong yua Việt Nam akŏ pơjing truh kih chủ nghĩa xã hội jing mơnuih ƀôn sang ngă pô lăp djơ̆ hăng kơđi čar. Ơi Vương Hộ Ninh kiăng dua bơnah thâo kjăp jơlan đĭ kyar dua bơnah, pơtrut pơplih phrâo xã hội chủ nghĩa ƀơi rim boh dêh čar./.