Amăng bruă nao čuă jơmư sit nik dêh čar Italia, lơ 14/4, ƀơi plơi prong jưh jom Roma, Khua git gai pơ ala mơnuih ƀôn sang dêh čar ơi Trần Thanh Mẫn hăng khua mua prong mơ̆ng Việt Nam hơmâo mông ră ruai tom ƀing khua, mơnuih mă bruă amăng Sang anih jưh hăng mơnuih ƀôn sang Việt Nam ƀơi Italia. Khua git gai pơ ala mơnuih ƀôn sang dêh čar hơmâo lăi pơthâo hăng mơnuih ƀôn sang Việt Nam ƀơi Italia kơ tơlơi hơmâo amăng lŏn ia ta, hăng gru kơđŏm yom kah hăng pơphun trun kih Jơnum ping gah dêh čar tal 14, bruă ruah khua pơ ala mơnuih ƀôn sang dêh čar tal 16 laih anun khua pơ ala mơnuih ƀôn sang djŏp gưl rơwang thun 2026-2031.

Khua git gai pơ ala mơnuih ƀôn sang čang rơmang, mơnuih ƀôn sang Việt Nam pơ anai jing khul gum pơgôp prong biă ƀơi Italia, thun blan rơgao gum pơgôp klă laih, pơ anăp anai klă hloh dong, kiăng djru ba ƀing čơđai hrăm hră pơ Italia kiăng tơdơi anai lŏn ia Việt Nam hơmâo mơnuih mă bruă rơgơi. Khua git gai pơ ala mơnuih ƀôn sang ăt čang rơmang mơnuih ƀôn sang Việt Nam ƀơi Italia djă pioh gru ama grua amĭ, tơlơi pơhiăp Việt ƀơi čar gơñu glăk dŏ hơdip; biă ñu lĕ ngă tui tơlơi phiăn dêh čar gơñu glăk dŏ./.