VOV4.Jarai - Thun 2022, kông ti apui lơtrik Dak Lak hơmâo mă yua giăm 285 klai prăk kiăng kơ man pơkra 93 ring bruă, pơkra ming hơdôm ring bruă apui lơtrik. Mah bưp tơnap tap yua tơring čar prong rơhaih, bruă mă glăi lŏn mơnai ƀơi sa, dua boh ƀon lan dŏ bưp tơnap tap, lơ̆m klin Covid-19 ăt dŏ ngă glêh tơnap, samơ̆ anom bruă apui lơtrik Dak Lak lêng kơ pơplih brơi kơ lăp djơ̆, man pơkra hơdôm ring bruă brơi kjăp hloh.

Plih hĭ hrĕ apui lơtrik hạ áp ƀơi să Hoà Phú, plơi prong Buôn Ma Thuột

Truh ră anai, hơmâo laih 30 ring bruă hơmâo pơgiong, hăng glông 85 km hrĕ apui lơtrik hạ áp dăng hyu, 15 biến áp, hơdôm pluh anih pĕ hăng kup apui lơtrik đuăi mă hơjăn hăng măi mok wai lăng pơhlôm hơgŏm tơlơi tơlơi pơhing… hơmâo mă yua. Ră anai PC Dak Lak glăk tŏ tui pơtrut bruă pơkra, laih dong wai lăng kjăp bruă man pơkra, kiăng kơ tañ pơgiong hơdôm ring bruă, pơgôp klă dong amăng bruă mă yua apui lơtrik djru pơđĭ kyar bơwih ƀong huă mơnuih mơnam.

Siu Đoan: Pơblang