VOV4.Jarai - Bruă gum djru brơi tal pơplông thun anai ƀơi tơring čar Dak Lak hơmâo pơhưč rơbêh 1.000 čô mơnuih lĕ ƀing čơđai sang hră gưl prong, cao đẳng, trung cấp hăng Sang hră gưl tlâo amăng tơring čar čih anăn nao djru hrŏm. Anai lĕ ƀing mơnuih amra djru brơi ƀing čơđai nao pơplông abih anih 12 pơ anăp anai mơng lơ 7-8/7.

Hơmâo rơbêh 1.000 čô mơnuih amra nao djru pơplông ƀơi Dak Lak thun anai

Ƀơi rĭm anih pơplông, amra hơmâo grup djru bruă phara anun lĕ: hyu jak iâu gum djru, gơnam ƀong huă, ia mơñum hăng prăk djru brơi ƀing čơđai sang anŏ tơnap tap; djru brơi ƀing čơđai hăng ƀing mơnuih ba nao pơplông hơmâo anih dŏ; črâo brơi jơlan đuăi nao pơ anih pơplông, djru kiăo tui tlôn, rơmet pơagaih ƀơi anih pơplông. Khul čơđai sang hră gưl prong Dak Lak brơi thâo, hrŏm hăng bruă đing nao gum djru čơđai sang anŏ tơnap tap, čơđai drit druai, čơđai kual ataih, asuek, thun anai, bruă gum djru čơđai nao pơplông amra đing nao ƀing mơnuih ba čơđai nao pơplông, sit biă ñu hơdôm sang anŏ tơnap tap.

Siu Đoan: Pơblang