Rơđah biă ñu, djop gưl anom bruă hlăk ai tơdăm dra mut phung amăng tơring čar hơmâo pơdong 17 boh sang khăp pap, sang akhăn gru mriah; ngă tui bruă pơkra jơlan 17 km, dăng hrĕ apui bơngač jơlan plơi, 23 kual anih čơđai ngui; djru lu hip dưm hơdrôm hră kơ čơđai muai pơđok, ming pơkra glăi sang jơnum plơi, sang gru grua hiam amăng plơi pla.

Lu hơdră anăn “Hrơi năm pơyơr pran jua”, “Hrơi tơjuh mơtah mơda đơ đam dêh čar” dưi pơphun lu anih, pơhưč lu tơdăm dra hlăk ai ngă hrŏm, kiăng pơgang ayuh hyiăng anih dŏ mơtah mơda, bong glăi hăng anŏ pơblih ayuh hyiăng lŏn tơnah. Ngă hrŏm bruă mă djru mơnuih mơnam, pơyơr pran jua yua kơ ană plơi pla, djop gưl anom bruă tơdăm dra mut phung đơ đam tơring čar hơmâo ƀơk 20 rơbâo anung gơnam, giăm 3000 anung prăk hrăm hră, rơdêh tang rơwang kơ mơnuih ƀôn sang ƀun rin čơđai sang hră tơnap tap; pơphun pơkă lăng hăng pơjrao duăm ruă ƀu mă prăk ƀơi lu plơi pla kual ataih, tơnap tap abih tih rơnoh prăk amăng bruă mă pơyơr pran jua anun truh rơbêh 10 klai.