Tơdơi kơ pơđut hrơi pơplông abih anih 12 thun 2023, tlam lơ 29/6, Gơnong bruă pơtô hăng pơjuăt tơring čar Dak Lăk pơphun jơnum lăi pơthâo glăi kơ tal pơplông anai. tui anun, ƀơi tơring čar hơmâo abih bang 142.000 wơ̆t čô čơđai čih anăn pơplông amăng 12 tơlơi hrăm, mơnuih nao pơplông hơmâo 99,58%, hơmâo 598 čô čơđai ƀu nao pơplông. Tui hăng yă Lê Thị Kim Oanh, Kơ-iăng khua gơnong bruă pơtô hăng pơjuăt Dak Lăk, tal pơplông thun anai rơnuk rơnua, tơpă sit, lơ̆m ƀu hơmâo ôh čơđai ƀudah nai wai lăng ngă soh tơlơi phiăn pơplông. Bruă ngă hrŏm kơplah wah ling tơhan, mơnuih apăn bruă klă biă, biă ñu hơmâo tơhan kông an pơhlôm rơnuk rơnua hơđong amăng abih bang hrơi pơplông.