VOV4.Jarai - Bơdjơ̆ nao bruă phă glai prai rưng prong ƀơi kual glai 238, să Ea Bung, tơring glông Ea Súp (Dak Lăk), lơ 28/4, ơi Nguyễn Thiên Văn - Khua git gai Ping gah tơring glông lăi pơthâo, anom apăn bruă hơmâo pơsit anăn hơdôm čô mơnuih bơdjơ̆ nao bruă phă glai prai rưng. Ră anai, anom apăn bruă glăk mă pơkŏng 4 čô mơnuih čih hơduah tơña, pơsir bruă anai. Truh mông anai, Kông an tơring glông Ea Súp glăk pơkra glăi hră pơ-ar či ngă kơđi ƀing phă glai ƀơi kual glai 238, 239 gah să Ea Bung (să ƀơi guai dêh čar). Jơnum min mơnuih ƀon sang să Ea Bung (pô wai lăng glai) hăng Anih wai lăng glai tơring glông glăk jŭ yap mrô kyâo, djuai kyâo ăt kah hăng đơ đam đnag glai arăng kôh drôm.

Siu H’Mai: Pơblang