VOV4.Jarai - Lơ 13/4, Khul ia jrao kyâo bơrơkal mriah Dak Lăk pơphun čơkă mă ia pơdjai kman kơ 400 boh sang hră gưl sa hăng muai ƀơi Dak Lăk. Ƀơi mông čơkă mă, pô pơ ala kơ anom bruă djru hơmâo brơi 10 rơbâo get ia kơsu rơkông đok, 13 rơbâo lit ia pơdjai kman hăng 15 boh măi hlong ia hơdjă hơmâo nua rơbêh 4 klai 500 klăk prăk. Mrô gơnam anai amra brơi kơ 400 boh sang hră gưl sa hăng čơđai hrăm anih muai ƀơi Dak Lăk.

Tui hăng yă Trần Thị Phương Thu, Kơ-iăng khua wai lăng Khul ia jrao kyâo bơrơkal mriah Dak Lăk, hrŏm hăng mrô gơnam hơmâo mă, Khul hơmâo ngă hrŏm hăng anom bruă djru sem lăng ruah mă hơdôm boh sang hră pơ ataih kiăng yua măi hlong ia hơdjă djru ba amăng hrơi blan pơ anăp anai.

Siu H’Mai: Pơblang