Tui hăng tơlơi lăi pơthâo mơ̆ng Gơnong bruă pơtô hăng pơjuăt tơring čar Dak Lăk, amăng hrơi pơplông tơlơi hrăm Ngữ văn, tơring čar hơmâo 62 čô čơđai rơkut, amăng mrô 20.829 čô čơđai čih anăn pơplông. Hơmâo 9/33 anih pơplông čơđai huăi rơkut ôh. Hơdôm anih pơplông rơnuk rơnua hơđong, ƀu hơmâo čơđai ƀudah nai wai lăng ngă soh tơlơi phiăn. Ƀơi mông jơnum yang hrơi mơguah, bruă wai lăng rơnuk rơnua hơmâo pơhlôm hơđong, tơhan blah ngă ƀơi hơdôm anih pơplông hơmâo lu hloh pơhmu hăng hơdôm thun hlâo. Biă ñu ƀơi tơring glông Čư̆ Kuin, anih phrâo hơmâo tơlơi ngă pirăt ngă kơ 9 čô khua mua, ling tơhan hăng mơnuih ƀôn sang djai, tơhan kông an hơmâo gak amăng lăm wơ̆t hăng gah rơngiao anih pơplông, pơhlôm rơnuk rơnua hơđong kơjăp kơ tal pơplông anai.