Mơ̆ng blan 1/2024, Jơnum min mơnuih ƀôn sang tơring čar Dak Nông ngă Hră pơsit mrô 54 kơ 17 kơčăo bruă pơhưč tuh pơ alin hăng mrô prăk rơbêh 3.000 klai prăk, lêng kơ bruă gêh gal, dưi đĭ kyar mơ̆ng Dak Nông. Jơnum min mơnuih ƀôn sang tơring čar Dak Nông git gai hơdôm gơnong bruă, tơring tơrang bơdjơ̆ nao lăng glăi abih bang hăng ngă hră pơ-ar tui tơlơi phiăn, đah mơ̆ng pơhưč tuh pơ alin 44 kơčăo bruă amăng rơwang tŏ tui dong, hăng mrô prăk him lăng rơbêh 290 rơbâo klai, lu biă ñu gah bruă pơkra măi mok, pơkra boxit-alumin-ñôm, apui lơtrik phrâo...

Tơring čar ăt glăk pơphun hơdôm grup hyu pơtrut tuh pơ alin ƀơi lu boh tơring amăng dêh čar ăt kah hăng hơdôm boh dêh čar kah hăng India, Khač, Hàn Quốc, Japan,...Jơnum min mơnuih ƀôn sang tơring čar Dak Nông hơmâo akŏ pơdong Grup mă bruă yôm đah mơ̆ng hmao tlôn pơsir hĭ hơdôm tơlơi tơnap, aka ƀu gêh gal mơ̆ng anom bơwih ƀong, tuh pơ alin.