Ơi Lê Quang Dần, Kơ-iăng Khua Gơnong bruă đang hmua hăng pơđĭ kyar ƀôn lan tơring čar Dak Nông, brơi thâo, yap truh ră anai, tal hơjan prong sui hrơi ƀơi tơring čar hmâo ngă laih sa čô mơnuih djai, 159 bôh sang ia lip, giăm truh 360 ektar đang hmua ia ling dăo hăng năng ai ñu 150 ektar dơnao ia rông akan mơ̆ng mơnuih ƀôn sang blai bơnư̆. Hơjan prong ăt hmâo ngă răm rai mơn lu ring bruă mă yua ƀơi tơring čar, biă ñu jơlan nao rai, hnoh ia.

Truh ră anai, ƀơi tơring čar Dak Nông hmâo 79 bôh sang anô̆ khom ba đuăi pơ̆ anih pơhlôm yua kơ kual dô̆ hơdip mơda ia ling dăo, lŏn tơhroh. Lăp đing nao lĕ tơlơi lŏn tơhlom ƀơi să Quảng Trực, tơring glông Tuy Đức glăk ngă tơnap. Ƀơi anai, gong gai hăng khul apăn bruă tơring glông Tuy Đức hmâo ba đuăi laih 56 bôh sang anô̆ mơnuih ƀôn sang mơ̆ng 2 bôh ƀôn Bu Krăk hăng Bu Prăng nao pơ̆ anih dô̆ jăng jai ƀơi sa bôh sang hră. Tơring čar Dak Nông hmâo črâo ba laih hơdôm bôh ƀirô apăn bruă gum hrŏm hơduah ĕp bôh than ba truh kiăng pơsir./.